Page 1 of 1
ساعدوني ارجوكم
Posted: 15 Dec 2013, 17:05
by Salwaa
السلام عليكم. ياجماعة عندي مشكلة وعايزة شورتكم. كان عندي مشكلة اني ماعارفة اتخصص شنو وماقادرة احدد شنو البنفع معاي بس اخيرا قررت انو تخصص الاشعة هوالكويس معاي وقررت اتخصصو. المشكلة انو صعب التخصص فيهو لانو الامتحان كل سنتين يا الرويال ودا مكلف وبرة السودان. عايزة ارائكم انو الزول يمشي ورا هدفو ويحاول يحققو ولا يشوف حاجة ساهلة ومضمونة اكتر. اعتذر عن الاطالة
Re: ساعدوني ارجوكم
Posted: 16 Dec 2013, 01:29
by Waleed Fareed
وعليكم السلامأولا: رأيي إنو مافي تخصص ساهل، أي تخصص محتاج اجتهاد شديد ، ولو افترضنا صعوبته فدا ما بيمنعك إنك تمشي فيهو بس أهم شي الرغبة، والله الزول لو عندو رغبة مهما كانت الحاجة صعبة بيعملها وهو مستمتع
ثانيا: من ناحية التكلفة أي تخصص تكلفته عالية(إلا اللوكال) فممكن الزول يسافر الخليج يلم حبة قريشات يتخصص بيهم.. وبالمناسبة تخصص الأشعة بتاع الرويال تكلفته (بالسفر للامتحان) أقل من الباقين - على حد علمي
ثالثا: ممكن تشوفي الموضوع دا إن شاء الله يفيدك
viewtopic.php?f=37&t=4354&p=7884#p7884
أخيرا: أتمنى من ناس الخبرة يفيدونا بآراءهم
شكرا