إختيار التخصص؟

alaa2013
Few Steps
Few Steps
Posts: 7
Joined: 07 Apr 2013, 23:20
University: Khartoum University
Degree (College): MBBS
Graduation Year: 2010
Plan \ Working On: SMSB
Working on (2): Arab Board
Speciality: No Plans Yet
Job Title: SHO (Medical or Resident)
Work Place: Omdurman teaching hospital
Has thanked: 1 time
Been thanked: 1 time
Contact:

إختيار التخصص؟

Unread post by alaa2013 »

:?:]كيف أختار تخصصي
هل الميول ام سوق العمل؟ ام القدرات السيكلوجيه للطبيب؟ ام النظره المجتمعيه التي تنحاز لتخصص دون الآخر؟ ام الجنس (ذكر أوأنثى)

كل هذه العوامل تتداخل مع بعضها البعض وتؤثر إيجابا وسلبا في إختيار الطبيب للتخصص الذى سيواصل فيه بقية مسيرته العلميه والمهنيه وأعتقد أنها مهمه صعبه تحتاج للتفكير بعمق والتروي في أخذ القرار
شاركوني بأرائكم
M. I. T.
Active Member
Active Member
Posts: 55
Joined: 29 Apr 2011, 00:19
University & College: OIU MBBS
Country & City: Omdurman
Graduation Year: 2006
Post-Graduation: MRCOG 1
Job Title (other): SHO
Work Place: KSA, Jeddah
Has thanked: 4 times
Been thanked: 14 times
Contact:

Re: ؟إختيار التخصص

Unread post by M. I. T. »

شكرا لطرح الموضوع دا، لانه مهم ومفيد خصوصا لحديثي التخرج ممن لايزالون في حيرة من أمرهم

أحب أن أضيف نقاط تانية

أحيانا الظروف تقودك لتخصص معين أو بمعنى آخر تجد أنه فرصك في هذا التخصص المعين أفضل من غيره بسبب الظروف، فعلى سبيل المثال، لي زميل تخصص انف وأذن وحنجرة رغم حبه الشديد للجراحة العامة، تخصص انف وأذن وحنجرة لأن لديه قريب مسؤول عن هذا التخصص ووفر له فرصة للتخصص فور تخرجه، فصاحبنا اشتغل بنظرية عصفور في اليد وأصبح واحد من أميز استشاريي الأنف والأذن والحنجرة - اضافة إلى الفرص الوظيفية، يعني لو لقيت فرصة عمل في ببلك هلث في منظمة أجنبية بتدفع في الدولار، شنو البيوديني للنساء والولادة وحاخد فيها كم هسي، بالتالي تلقى الواحد مشى ببلك هلث ولا تروبيكال مدسن

كما أن العلاقات الشخصية تلعب دور هام جدا، فمثلا الطالب او طبيب الامتياز الذي يجد جاره الطبيب (السنير) يبيذاكر للإم آر سي بي مثلا في قروب، فحيتأثر بيه وحيختار المدسن في الغالب، لأنه كل ما يمشي عشان السنير يشرح ليه شي يلقاهم بيتكلموا في كلام دراب دراب ويحس انه الناس دي علماء وفطاحلة او جاره الميديكل جا فرحان عشان الليلة عمل ليه ماستيكتومي ولا ثايرويد وقعد يحكي عن بطولته في انه ما ضرب اللارينجيل نيرف بحرفنة


اضافة إلى ذلك، هناك بعض العوامل النفسية التي لا يمكن حسابها، مثلا أن البروف المسؤول عن التخصص الفلاني رجل صعب، بالتالي التخصص و(مذاكرته) سيصبح ممل ومقرف وبالتالي أكيد ما حاختاره كتخصص، ودا حالي مع تخصص الأطفال
وفي المقابل تجد انك معجب بشخصية الدكتور الفلاني سواء وانت طالب او في الامتياز، فتحب التخصص اعجابا بهذا الشخص او بعلمه وقدرته على الابهار من خلال تخصصه، وطبعا هذا الموضوع عند الطبيبات أكثر لأنهن انطباعيات

العامل الاجتماعي كما تفضلت، مهم جدا، يعني معظم الطلاب مثلا دايرين يتخصصوا جراحة قلب ولا جراحة مخ واعصاب باعتبار التخصصين من التخصصات ذات الوزن الثقيل اجتماعيا وماديا اضافة إلى تخصص الكارديولوجي ايضا، لكن بسبب قلة الموارد وعدم توفر وظائف كثيرة في هذه التخصصات لا نجد أحلامهم تصبح حقيقة، ثم ان طلاسم الإي سي جي في حالة الكارديولوجي مثلا إذا ما لقيت زول شاطر يشرحها ليك من بدري، بتترك انطباع انه الموضوع صعب شديد وبالتالي تؤدي إلى تكسر أمواج الأحلام الهادرة امام صخور الواقع الصادم، كما ان طول المشوار أيضا خصوصا في حالات زي جراحة القلب والمخ والأعصاب له دور في عزوف الناس، فالواحد يبدأ جراحة عامة كمدخل لجراحة القلب وفي الطريق يلقى نفسه مشى يورولوجي ولا أغرم باللابروسكوبي يقوم (ينحرف) عن مساره أو يعمل شورتكت

العامل المادي، ما اعتقد انه بيوجه معظم الناس، فقط القليل منهم، يعني ما كل الناس بتحسب حساب انه لو انتهيت من التخصص حدخل كم، بقدر ما بتحسب حساب من هسي لحد ما انتهي مطلوب زمن كم وقروش كم وجهد قدر شنو
These users thanked the author M. I. T. for the post:
alaa2013
dr.yassingalal
Few Steps
Few Steps
Posts: 7
Joined: 16 Jul 2014, 12:15
University: Bahr El-Ghazal University
Degree (College): MBBS
Graduation Year: 2009
Plan \ Working On: MRCPch
Working on (2): ----
Speciality: Emergency Medicine
Job Title: SHO (Medical or Resident)
Work Place: Nazwah Hospital-Oman
Has thanked: 1 time
Been thanked: 0
Contact:

Re: إختيار التخصص؟

Unread post by dr.yassingalal »

ده اول موضوع كنت بفتش فيو من ما دخلت الموقع ده لانو حقيقه انا شخصيا وتقريبا معظم الاطباء البعرفهم عندهم نفس المشكلة .. فاشكركم جزيل الشكر لطرحه ...
حاليا اغلب الاطباء حتى غير السودانيين انا بشوفهم في الخليج بيتجهو للماينرات او الصب سبشيلتي طوالي ... لكن مابين مطرقة دوام الغربة والتزاماتها المادية وسندان الرغبة في التخصص بسرعه وعمل الروتيشن يصاب الشخص بالاحباط ولاننسى ملاحظة ان امتحانات الزمالة الملكية عموما اصبحت من الصعوبة بمكان كأنما لديهم الرغبة في جمع المال فقط
لو في زول عندو لينا تخصص ابو سريع ومافيو اميرجينسي يقولينا لانو تعبنا من السهر
ولكم ودي
meme nony
Going Well
Going Well
Posts: 13
Joined: 18 Nov 2012, 10:42
University & College: Shendi Uni, MBBS
Country & City: Shendi
Graduation Year: 2010
Post-Graduation: MRCP1
Job Title (other): SHO
Work Place: Khartoum
Has thanked: 0
Been thanked: 0
Contact:

Re: إختيار التخصص؟

Unread post by meme nony »

جزاكم الله خيير علي طرح موضوع زي دا ونحن صراحه في امس الحاجه ليهو بس بعتقد انو في عوامل كتيره بتاثر علي التخصص منها الجنس يعني فالبت مازي الولد خر نفسووو ماعندو مسؤليه زينا عشان كدا بشوف البنات دايما بميلوو للتخصصات الماينر مافيها كداس وربنا يوفق كل اطباء السودان ويوفقنا ونتخصص
User avatar
mihrab tahir
Sketchy
Sketchy
Posts: 4
Joined: 25 Sep 2015, 04:08
University: International University of Africa
Degree (College): MBBS
Graduation Year: 2012
Plan \ Working On: MRCOphth
Speciality: Ophthalmology
Job Title: SHO (Medical or Resident)
Work Place: N/A
Has thanked: 0
Been thanked: 0
Contact:

Re: إختيار التخصص؟

Unread post by mihrab tahir »

موضوع جميل جدا واعتقد بعض الدكاتره اطرقوا لي اغلب الجوانب لكن الواحد يبتدي اولا انوا يشوف نفسوا ميال لي شنوا في مجمل الامر لي جراحه شغل يد وانسان متمرس اوعلى الاقل عندوا شغف ده ام انسان بيحب الباطنيه بي كل فروعها شغل عن بعد و واحد زائد واحد يساوي اتنين ويتبع القايدلاينز مع انوا كلا الجانبين فيهم المنطقه الرماديه
بعد كدا يوظف المقدره النفسيه والجسديه لي الجزء الاختاروا هل بتحب الضغط والاكشن الغير المتناهي هل عندك قدره تشتغل في ضغط عالي ......
طيب بعد اسئلتك لي نفسك كل الاسئله دي وتقعد مع نفسك حتعرف الخيارات البقيت عليها تتجه لي اتجاه تاني الامكانيه في التخصص صبرك يقدر يتحمل انواﻻفرص المجال ده ضعيفه وتقدر توجهه حبك للتخصص ده بطريقه تانيه اسهل او تواصل تكافح هل عليك مسؤوليات تلزمك باختيار المجال الاسهل وسوق العمل يحتاجوا لي اي واحد مننا ظروف خاصه يا يتحداها ويصمد عشان يحقق حلموا ام كل الظروف تتجه لي مجال واحد ممكن تبدع وتمشي فيه لي قدام ام هو بس نظام ااتخصص في زمن وجيز واهوا نظام اخصائي واستشاري وخلاص
الكلام في الموضوع ده يطول
لكم مني جزيل الشكر والتقدير
Post Reply

Return to “حلقات النقاش باللغة العربية”