غدا تنطلق الثورة

User avatar
Hani
Honorary Member
Honorary Member
Posts: 174
Joined: 10 Dec 2012, 00:23
Has thanked: 3 times
Been thanked: 30 times
Contact:

غدا تنطلق الثورة

Unread post by Hani »

معا لاخراج خزعبلات الكيزان من عقل المواطن السوداني البسيط

البشير لمن جاء البلد كان فيها صفوف للعيش وهسع مافي صفوف؟
الرد :في الثمانينات كان في حاجة اسمها الجفاف حكاية بتاعت 6 سنة المطر كان ضعيف للغاية ودا ادي الى انهيار الزراعة المطرية ونفوق ملايين الرؤس الحيوانية مما ادي الى المجاعة وصفوف العيش ودا كان السبب في سقوط النميري ومن بعده انهيار الديموقراطية الثالثة لمن البشير مسك الحكم كان الجفاف انتهى ...والامطار رجعت تاني ...ولو ماكان المطر رجع كان البشير هو ذاتو طار ...باختصار البشير مجرد محظوظ ليس الا .وهسع لو ما الدهب والله العظيم كانت البلد حتكون عدمانة الرغيفة ..بالرغم من انو مافي جفاف اذا مين الاسوأ؟؟البشير ولا الاحزاب مع العلم بان الاحزاب حكموا 3 سنين والبشير حكم 23 سنة؟

والله البشير كويس .بس الناس التحتو كعبين؟
الرد:يعني انت مواطن عادي ...وعارف انوا الوزراء والموظفين كعبين...والبشير ما عارف؟ ...يبقا البشير دا فعلا مايستحق يبقى رئيس لي دولة سكانها 33 مليون نسمة ...ولينا حق نتظاهر ضدوا

والله الغلاء الحاصل دا حاجة طبيعية لانو الجنوب شال البترول ...لازم نصبر شوية؟
الرد:الواحد فينا لو قالو ليهو حنرفدك من شغلك بعد 6 سنين"انفصال الجنوب"هل حيقعد يصرف قروش على حاجات فارغة ولا يلم القروش دي في حاجة تنفعوا بعدين؟ دا هو الحصل في السودان الكيزان ضيعوا البترول في الفارغة ولو طلع بترول جديد برضو حيضيع تاني في الفارغة

الدعم المحروقات في صالح الاغنياء عشان كدا البشير رفعو؟
ايواااااااا يعني 13 سنة من ما طلع البترول والريس بدعم في الاغنياء؟؟؟؟؟
دا اسمو العذر الاقبح من الذنب!!!

البشير طور البلد والسودان مازي زمان؟
الرد:مجموع سنوات حكم عبود و نميري 22 سنة ..البشير 23 سنة ...انجازات النميري وعبود "مشروع الرهد الزراعي350 الف فدان""امتداد المناقل مليون فدان""مشروع حلفا الجديدة350 الف فدان""مشروع السوكي الزراعي120 الف فدان""سكر الجنيد""سكر حلفا""سكر كنانة""سكرعسلاية""سكر سنار"....انجازات البشير رغم وجود البترول ولفترة حكم 23 سنة "سكر النيل الابيض" ..بس خلاص !! عمك ما عمل اي حاجة غير دا ......قروش البترول مشت وين؟؟؟

البشير عمل الكباري والشوارع؟
الرد:.النميري حكم 16 سنة عدد سكان السودان 15 مليون نسمة البترول لايوجد. عدد الكباري 8 ...البشير 23 سنة عدد سكان السودان 34 مليون نسمة البترول موجود عدد الكباري 12 كبري فقط ....قروش البترول مشت وين؟؟؟

البشير: كوبري رفاعة كوبري الدويم كوبري المنشية كوبري المك كوبري النيل الابيض الجديد كوبري الحلفايا كوبري عطبرة كوبري وادي الطيور كوبري كريمة كوبري السليم كوبري توتي (200 متر)كوبري كجا في مدينة الجنينة(150 متر)
النميري قبل 30 سنة:كوبري حنتوب كوبري كوستي كوبري كوبر كوبري شمبات كوبري عطبرة كوبري القاش كوبري نيالا( 150متر) كوبري مكة ايضا في نيالا(200 متر)

البشير عمل السد والكهرباء بقت كويسة؟
الرد:طبعا هو مبني من عرق وجهد البشير والدليل القرض الربوي المبني بيه السد عشان بعد مايفوت البشير انتا واولادك تفضلوا تسددوا في الديون.
السد مبني بالدين؟؟اذا نرجع للسؤال المحير!!قروش البترول مشت وين؟؟؟

والله البلد الاقتصاد بتاعا ضعيف وما بتستحمل مظاهرات؟
الرد:يعني واحد حاكم 23 سنة.يعني حاكم ربع قرن.وبعد السنين دي كلها اقتصاد البلد ضعيف !!! انا كدا اتحمست زيادة للمظاهرات !!!

والله البلد مستهدفة ومافي داعي للمشاكل والمظاهرات؟
الرد:انجح انواع الاستهداف هو السيطرة على بلد من الداخل..بحيث يضيع 23 سنة من عمر السودان ونحن مازلنا نستورد السكر والقمح .وبحيث يدخل الحبش الى السودان بالملايين بلا حسيب او رقيب .وبحيث ينتشر الفساد المالي والاداري في البلدبلا رادع وبحيث تصبح الدولة غير قادرة على حماية ثرواتها "هجليلج"من هجوم دولة وليدة لاحول لها ولا قوة.وبحيث تنتشر المواخير والبيوت الحمراء في وسط الاحياء الشعبية.وبحيث تقتل المخدرات الشباب السوداني ببطئ.وينتشر ويتفشى الايدز في المواطنين.وبحيث تتدمر المناهج التعليمية في البلد ليخرج جيل "لايعرف تلت التلاتة كم"...لسه خايف من الاستهداف؟؟؟؟

انت شيوعي ومارق وعميل؟
زي دا الرد عليه ساهل جدا، عاين ليه من فوق لتحت وأمشي خليه ..

أو ممكن برضو تقشطو بنيه في خشموا لأنه كوز معفن ومنتفع وكلب أمن خسيس
ما تنسى تضغط شير للفيس بوك تحت هذا البوست
These users thanked the author Hani for the post (total 4):
einasdr_ayman85Mostfa Haronsallmeeta
PLEASE DO NOT CONTACT ME FOR SUPPORT OR REPORTING PROBLEMS
YOU CAN CONTACT THE SITE ADMIN ACCOUNT (SudaMediCa)
TO CONTACT ME FOR PERSONAL ISSUES, PLEASE USE THE E-MAIL FEATURE
einas
Contributor
Contributor
Posts: 117
Joined: 09 Jan 2012, 01:51
University: Omdurman Ahlia University
Degree (College): MBBS
Graduation Year: 2005
Plan \ Working On: MRCP
Speciality: General Medicine
Job Title: SHO (Medical or Resident)
Work Place: Burjeel hospital-Abudhabi-UAE
Has thanked: 17 times
Been thanked: 21 times
Contact:

Re: غدا تنطلق الثورة

Unread post by einas »

كم تمنيت ان اكون في ربعي وطني في هذا التوقيت ... وكم تمنيت هذه اللحظة منذ وطأت قدماي ارض الخرطوم لاول مرة لاكتشف بان بلدي مسفوك الدماء مسروق الهبات والثروات ..دعائي لشعبي بان ينصرهم الله ويعمي كيانات المؤتمر الوطني عنهم ويسندهم بجيش من عنده ...

اعتقد انو المؤتمر الوطني يعي تماما انو في سفينة غرقانة غرقانة وفي الفترة الجاية حانشوف تبادل للاتهامات في صفوفهم وكل يحاول ينجو بنفسو ...بس اتمنى ما اتمنى ان يخرجوا من السلطة سلميا ودون هدر الدماء
einas
Contributor
Contributor
Posts: 117
Joined: 09 Jan 2012, 01:51
University: Omdurman Ahlia University
Degree (College): MBBS
Graduation Year: 2005
Plan \ Working On: MRCP
Speciality: General Medicine
Job Title: SHO (Medical or Resident)
Work Place: Burjeel hospital-Abudhabi-UAE
Has thanked: 17 times
Been thanked: 21 times
Contact:

Re: غدا تنطلق الثورة

Unread post by einas »

بالمناسبة ...قروش البترول مشت وين؟؟؟؟!!
Post Reply

Return to “حلقات النقاش باللغة العربية”